Taniqli tarixchi Goga Abrorovich Hidoyatov 85 yoshida vafot etdi, deya xabar bermoqda “Gazeta.uz” uning oila a’zolariga tayanib.
Goga Hidoyatov 1930-yil 9-mayda drama aktyorlari Abror Hidoyatov va Sora Eshonto‘rayevalar oilasida dunyoga kelgan. Lomonosov nomidagi Moskva Davlat universitetini tamomlagan.
O‘zSSR Fanlar akademiyasi Sharqshunoslik instituti, Toshkent davlat universiteti, Jahon iqtisodiyoti va diplomatiya universitetida ishlagan.
Professor, tarix fanlari doktori, O‘zbekistonda xizmat ko‘rsatgan fan arbobining 15 ta monografiyasi va 100 dan ortiq maqolalari ilmiy jurnallarda chop qilingan. Dunyoning ko‘plab universitetlarida ma’ruzalar o‘qigan.
Izoh (0)