Isroillik harbiylar Iordan daryosining G‘arbiy qirg‘og‘ida bekatda turgan odamlarga pichoq bilan hamla qilmoqchi bo‘lgan falastinlikni otib tashladi, deya xabar bermoqda “RIA Novosti”.
Falastinlik Quddus hududida mahalliy yahudiy qishloqlari aholisi o‘tkinchi mashinalarni tutadigan bekatda isroillikka pichoq bilan zarba bermoqchi bo‘lganida isroillik harbiylar tomonidan otib tashlangan.
Falastinliklar tomonidan deyarli har kuni amalga oshiriladigan hujumlar oqibatida so‘nggi ikki oyda 19 nafar isroillik halok bo‘ldi, yana 200 ga yaqini jarohat oldi.
Mamlakat sog‘liqni saqlash vazirligi hisob-kitoblariga ko‘ra, ayni paytdagi keskinlik boshlanganidan buyon Falastin tomonida qurbonlar soni 100 kishidan oshgan.
Izoh (0)