Madridning “Real” klubi bosh murabbiyi Rafael Benites “Shaxtyor”ga qarshi kechgan uchrashuv oldidan futbolchilar bilan suhbat o‘tkazdi, deb xabar beradi “Uff.uz”.
Uchrashuv oldidan o‘tkazilgan suhbatda barcha yetakchi futbolchilar, xususan Krishtianu Ronaldu, Garet Beyl, Benzema, Xames Rodriges va boshqalar ishtirok etgan. Uchrashuv “Barselona”dan uchralgan mag‘lubiyatdan (0:4) so‘ng yuzaga kelgan og‘ir vaziyatni yumshatish maqsadida o‘tkazilgan.
Xabar qilinishicha, murabbiy va futbolchilar o‘rtasidagi suhbat ijobiy ruhda kechgan va unda Krishtianu Ronaldu jamoa manfaati yo‘lida ko‘proq yugurishga va’da bergan. Shuningdek, hujumchi jamoadoshlarini ham shunday qilishga undagan.
Eslatib o‘tamiz, “Shaxtyor”ga qarshi uchrashuvda madridliklar 4:3 hisobida g‘alabaga erishdi.
Izoh (0)