Turkiya prezidenti Rajab Toyyib Erdo‘g‘on Rossiyadan Turkiya havo kengliklarini buzib kirgani uchun uzr so‘rashni talab qildi. Meduza xabariga ko‘ra, Turkiya davlat rahbari bu haqda turk qiruvchilari tomonidan 24-noyabr kuni urib tushirilgan Rossiyaning Su-24 bombardimonchi samolyoti qulashi munosabati bilan aytib o‘tgan.
“Agar kimdir uzr so‘rashi kerak bo‘lsa ham, bu biz emas. Uzrni bizning havo chegaralarimizni buzganlar so‘rashi kerak. Bizning uchuvchilarimiz va qurolli kuchlarimiz shunchaki o‘z majburiyatlarini bajardi”, — dedi Erdo‘g‘on.
Turkiya Rossiyaga tegishli Su-24 samolyotining qulashi uchun uzr so‘rashdan bosh tortishini mamlakat tashqi ishlar vaziri Mevlyut Chavusho‘g‘lu ham ma’lum qilgandi. “O‘zimiz haq bo‘lgan vaziyatda uzr so‘rashga hojat yo‘q”, — dedi u.
Rossiya prezidenti Vladimir Putin 26-noyabr kuni Turkiyaning harakatlarini “hamkor va terrorchilikka qarshi kurashda ittifoqchi sifatida ko‘rilganlar tomonidan orqadan xiyonatkorona berilgan zarba” deb atadi.
“Biz Turkiyaning oliy siyosiy tabaqalari amalga oshirilgan mazkur jinoyat uchun kechirim so‘raganliklarini, yetkazilgan ziyon va zararni qoplab berish takliflarini, jinoyatchilarni jazolash haqidagi va’dalarini hali ham eshitganimiz yo‘q. Turkiya rahbariyati Rossiya—Turkiya munosabatlarini ongli ravishda boshi berk ko‘chaga olib kiryapti, degan tasavvur paydo bo‘lmoqda, biz bundan afsusdamiz”, — dedi Putin.
Voqea: Turkiya urib tushirgan Su-24
Izoh (0)