Rossiyaning Moskva viloyatida 14 yoshli o‘smir selfiga tushishga harakat qilib, 16 qavatli uy tomidan tushib ketdi va hayotdan ko‘z yumdi. Bu haqda “TASS” xabar bermoqda.
25-noyabr, chorshanba kechki payt Moskva viloyatining Korolev shahridagi 16 qavatli uy yaqinida 14 yoshli o‘smir balandlikdan qulashga xos shikastlanishlar bilan topilgan. Tibbiy yordam ko‘rsatilishiga qaramay, maktab o‘quvchisi kasalxonada olamdan o‘tgan.
“Mazkur hodisa yuzasidan tergovchilar tomonidan tekshiruv olib borilmoqda. Dastlabki ma’lumotlarga ko‘ra, o‘smir foto, to‘g‘rirog‘i, selfi olishga harakat qilib, uy tomidan tushib ketgan”, — deya ta’kidlagan Tergov qo‘mitasi Moskva viloyati boshqarmasi vakillari.
Izoh (0)