Farg‘ona viloyati regbi federatsiyasi 2015-yil yanvar oyida faoliyatini boshlagan bo‘lsa, hozirda 500 dan ortiq yigit-qiz mazkur sport turi bilan shug‘ullanmoqda. Bu haqda “Farg‘ona haqiqati” xabar bermoqda.
Regbi bo‘yicha Farg‘ona viloyat terma jamoasi tarkibi Farg‘ona davlat universiteti, Qo‘qon pedagogika instituti, TATU Farg‘ona filiali talabalari, tibbiyot va olimpiya zaxiralari kollejlari o‘quvchilaridan iborat bo‘lib, qayd etishlaricha, ular orasida xotin-qizlar 200 nafarni tashkil etmoqda.
Xabar berishlaricha, 9—19-noyabr kunlari Farg‘ona davlat universiteti o‘yingohida erkaklar o‘rtasida “Regbi-15” bo‘yicha O‘zbekiston kubogi musobaqalari bo‘lib o‘tdi. Unda Respublika Qurolli kuchlarining “Jasorat” jamoasiga 1-o‘rin, 2—3-o‘rinlar Farg‘ona Sharqiy harbiy okrugining “Ajdar” va Andijon viloyatining “Uzkoram” jamoalariga nasib etdi.
“G‘oliblar 21—29-noyabr kuni Toshkentda “Regbi-15” bo‘yicha erkaklar o‘rtasida bo‘lib o‘tadigan respublika chempionatiga yo‘llanmani qo‘lga kiritdi”, — deyiladi gazeta xabarida.
Izoh (0)