Yaman prezidenti Abdu Rabbo Mansur Hodiy ikki oylik tanaffusdan so‘ng vataniga qaytdi. Bu haqda Al Jazeera telekanaliga tayanib, “TASS” xabar bermoqda.
“Prezident Ar-Riyoddan (Saudiya Arabistoni poytaxti) Adanga (Yamanning “vaqtinchalik” poytaxti) yo‘l oldi. U Toizni isyonchi xusiylardan ozod qilishda ishtirok etadi”, — deya ta’kidlagan bir necha oydan beri janglar tinmayotgan Toiz shahri harbiy qo‘mitasi rahbari.
Mansur Hodiy oldingi gal Yamanda qurbon hayiti kunlari bo‘lgan va shundan so‘ng BMT Bosh Assambleyasida ishtirok etish uchun Nyu-Yorkka jo‘nab ketgan. O‘shanda mamlakat tashqi ishlar vaziri Riyod Yosin davlat rahbari barqaror bo‘lmagan vaziyat tufayli Ar-Riyodga qaytishga majbur bo‘lganini bildirgandi.
16-noyabr kuni hukumat tarafdorlaridan iborat kuchlar Toiz va uning atrofida keng ko‘lamli hujum boshlagani ma’lum bo‘ldi. Saudiya Arabistoni boshchiligidagi arab koalitsiyasi tomonidan yordam yetib kelgani bunga imkon bergan.
Izoh (0)