Samarqand davlat universitetida tashkil qilingan fitochoylar ko‘rgazmasida mazkur oliy o‘quv yurtining tabiiy fanlar fakulteti talabalari tomonidan turli giyoh va mevalardan tayyorlangan shifobaxsh damlamalar namoyish etildi, deb xabar qiladi “Xalq so‘zi” gazetasi.
Tadbir tashkilotchilarining ta’kidlashicha, tabiiy giyohlarning inson salomatligini mustahkamlashdagi o‘rni beqiyos. O‘zbekistonda esa ularning ko‘plab noyob turlari uchraydi.
“Birgina moychechak damlamasi shamollash va yo‘talda, shuningdek, oshqozon, jigar, nafas yo‘llari, teri kasalliklari hamda moddalar almashinuvini tiklashda yaxshi samara beradi. Eman po‘stlog‘i, makka popugi, kiyiko‘t, na’matak mevasi, dalachoy kabi ne’matlarning ham shifobaxsh xususiyatlari ko‘p”, — deyiladi gazeta xabarida.
Tadbirda ishtirokchilar fitochoylardan bahramand bo‘lish barobarida, ularni tayyorlash jarayoni bilan ham yaqindan tanishdi.
Izoh (0)