Farg‘ona viloyatida “Keksalarni e’zozlash yili” Davlat dasturi ijrosi doirasida joriy yilning 9 oyida 548,1 milliard so‘m, 18,3 million dollar miqdorida mablag‘ sarflandi, deb xabar beradi O‘zA.
Viloyatda 350 mingga yaqin keksa, 131 nafar yuz yoshdan oshgan qariyalar istiqomat qiladi.
Ikkinchi jahon urushi qatnashchilari va mehnat fronti faxriylari, yakka-yolg‘iz keksalar hamda ijtimoiy himoyaga muhtoj oilalarni qo‘llab-quvvatlash bo‘yicha viloyatda aniq reja va tadbirlar belgilangan bo‘lib, ijrosi to‘liq ta’minlanmoqda. Yolg‘iz keksalar va kam ta’minlanganlarga moddiy yordam ko‘rsatildi. 305 nafar Ikkinchi jahon urushi qatnashchisiga O‘zbekistonda ishlab chiqarilgan zamonaviy televizorlar sovg‘a qilindi. O‘zgalar parvarishiga muhtoj, ehtiyojmandlarga yotoqxona mebellari olib berildi.
“Mahalla” xayriya jamoat fondining shahar va tuman bo‘linmalari tomonidan yuz bilan yuzlashgan nuroniylarga ehtirom ko‘rsatilib, uy-joyini ta’mirlashga ko‘maklashildi. 8 mingdan ortiq keksa chuqurlashtirilgan tibbiy ko‘rikdan o‘tkazildi. Joriy yilning o‘tgan davrida 500 dan ortiq urush va mehnat fronti faxriysi ambulator, statsionar va uy sharoitida sog‘lomlashtirildi. Nuroniylarni tibbiy tekshiruvdan o‘tkazishda mintaqaviy tibbiyot muassasalarida diagnostika va davolashning ko‘plab yangi usullari amaliyotga joriy etildi.
“Hech kim mehr va e’tibordan chetda qolmasin!” shiori ostida o‘tkazilayotgan salomatlik haftaliklarida keksalarga o‘z sog‘lig‘ini asrash bo‘yicha zarur tavsiyalar berilmoqda.
Izoh (0)