Самарқанд давлат университетида ташкил қилинган фиточойлар кўргазмасида мазкур олий ўқув юртининг табиий фанлар факультети талабалари томонидан турли гиёҳ ва мевалардан тайёрланган шифобахш дамламалар намойиш этилди, деб хабар қилади «Халқ сўзи» газетаси.
Тадбир ташкилотчиларининг таъкидлашича, табиий гиёҳларнинг инсон саломатлигини мустаҳкамлашдаги ўрни беқиёс. Ўзбекистонда эса уларнинг кўплаб ноёб турлари учрайди.
«Биргина мойчечак дамламаси шамоллаш ва йўталда, шунингдек, ошқозон, жигар, нафас йўллари, тери касалликлари ҳамда моддалар алмашинувини тиклашда яхши самара беради. Эман пўстлоғи, макка попуги, кийикўт, наъматак меваси, далачой каби неъматларнинг ҳам шифобахш хусусиятлари кўп», — дейилади газета хабарида.
Тадбирда иштирокчилар фиточойлардан баҳраманд бўлиш баробарида, уларни тайёрлаш жараёни билан ҳам яқиндан танишди.
Изоҳ (0)