Teraktlardan so‘ng parijliklar ehtiyojmandlarga tunash uchun joy bermoqda, taksichilar esa yo‘lovchilarga bepul xizmat qilmoqda
Fransiya poytaxti aholisi 13-noyabr, juma kuni Parijda sodir bo‘lib, 100 dan ziyod kishining o‘limiga sabab bo‘lgan teraktlardan so‘ng bir-biriga faol ravishda ko‘mak bermoqda, deb yozadi “TASS”.
Twitter’da parijliklar voqea joylari atrofiga o‘rnatilgan politsiya to‘siqlari tufayli uyiga qaytib bora olmayotganlarga tunash uchun joy taklif qilib, e’lonlar joylashtirdi.
Odamlar oziq-ovqat, issiq ichimliklar, mobil qurilmalarni zaryadlab olish imkoniyatini taklif qilmoqda. Ba’zan hech qanday izohsiz o‘z telefon raqamlari va uy manzillarini qoldirishmoqda.
Parij taksichilari taksometrni o‘chirib, o‘z yo‘lovchilarini manzillariga bepul olib borib qo‘ymoqda.
Izoh (0)