Fransiyaga hamdardlik belgisi sifatida jahon bo‘ylab bir qator obidalar va e’tiborga molik binolar Fransiya bayrog‘i ranglariga burkandi. Bu haqda, Buzzfeed’ga asoslanib, TJ xabar bermoqda.
Parijda 14-noyabrga o‘tar kechasi yuz bergan teraktlar oqibatida 130 ga yaqin odam halok bo‘ldi, qariyb 200 kishi turli darajada jarohatlandi. Yuz bergan hodisa Yevropada so‘nggi o‘n yilda kuzatilgan eng qonli terakt, deb ataldi.Butun jahon bo‘ylab odamlar Fransiya elchixonalari va konsulliklariga gullar va shamlar olib kelmoqda, bir qator shaharlarda esa alohida binolarning yoritilishi ko‘k-oq-qizil ranglarga o‘zgartirildi. Ular orasida San-Fransiskodagi Siti-Xoll ham bor.
Sidneydagi Opera uyi.
Shanxaydagi “Sharq marvaridi” minorasi.
Nyu-Yorkdagi Jahon savdo markazi binosining shpili va Empayr Steyt Bildingning yuqori qavatlari ham trikolorga burkandi, Nyu-York shtati gubernatori Endryu Kuomo esa yuz bergan voqea munosabati bilan Fransiyaga hamdardlik bildirdi.
Meksika senati binosi ham shunga o‘xshash tarzda yoritila boshlandi.
Rio-de-Janeyrodagi Iso Masih haykali ham.
Torontodagi jahonning eng baland teleminoralaridan biri CN-Tower ham ko‘k-oq-qizil rang bo‘ldi.
Xuddi shu holatni Braziliyaning Portu-Alegri shahrida ham ko‘rish mumkin — “Beyra-Rio” stadioniga shu uch rang yo‘naltirildi.
Inter presta solidariedade às vítimas de ataques terroristas à capital francesa Paris. #PrayForParis pic.twitter.com/y6Qc8Ch0ub
— Sport Club Internacional (@SCInternacional) November 14, 2015
Yoritish ranglari o‘zgargan yana bir stadion — Londondagi Uembli.
Ko‘plab blogerlar va OAVlar Parijdagi Eyfel minorasi teraktlar qurbonlariga motam tutib, chiroqlarini o‘chirgani haqida xabar tarqatdi. Aslida, minoraning yoritilishi jadval bo‘yicha tungi 1:00 da o‘chirildi.
Tonight, our Eiffel Tower will remain dark in memory of the lives lost in the attacks in Paris. pic.twitter.com/FFr55bRnHE
— Paris Las Vegas (@ParisVegas) November 14, 2015
Biroq, minoraning Las-Vegasdagi nusxasi haqiqatan ham chiroqlarini o‘chirdi — bu minoraning chiroqlari, odatda, kechasi bilan yoniq bo‘lardi.
Izoh (0)