Францияга ҳамдардлик белгиси сифатида жаҳон бўйлаб бир қатор обидалар ва эътиборга молик бинолар Франция байроғи рангларига бурканди. Бу ҳақда, Buzzfeed’га асосланиб, TJ хабар бермоқда.
Парижда 14 ноябрга ўтар кечаси юз берган терактлар оқибатида 130 га яқин одам ҳалок бўлди, қарийб 200 киши турли даражада жароҳатланди. Юз берган ҳодиса Европада сўнгги ўн йилда кузатилган энг қонли теракт, деб аталди.Бутун жаҳон бўйлаб одамлар Франция элчихоналари ва консулликларига гуллар ва шамлар олиб келмоқда, бир қатор шаҳарларда эса алоҳида биноларнинг ёритилиши кўк-оқ-қизил рангларга ўзгартирилди. Улар орасида Сан-Францискодаги Сити-Холл ҳам бор.
Сиднейдаги Опера уйи.
Шанхайдаги «Шарқ марвариди» минораси.
Нью-Йоркдаги Жаҳон савдо маркази биносининг шпили ва Эмпайр Стейт Bildингнинг юқори қаватлари ҳам триколорга бурканди, Нью-Йорк штати губернатори Эндрю Куомо эса юз берган воқеа муносабати билан Францияга ҳамдардлик билдирди.
Мексика сенати биноси ҳам шунга ўхшаш тарзда ёритила бошланди.
Рио-де-Жанейродаги Исо Масиҳ ҳайкали ҳам.
Торонтодаги жаҳоннинг энг баланд телеминораларидан бири CN-Tower ҳам кўк-оқ-қизил ранг бўлди.
Худди шу ҳолатни Бразилиянинг Порту-Алегри шаҳрида ҳам кўриш мумкин — «Бейра-Рио» стадионига шу уч ранг йўналтирилди.
Inter presta solidariedade às vítimas de ataques terroristas à capital francesa Paris. #PrayForParis pic.twitter.com/y6Qc8Ch0ub
— Sport Club Internacional (@SCInternacional) November 14, 2015
Ёритиш ранглари ўзгарган яна бир стадион — Лондондаги Уэмбли.
Кўплаб блогерлар ва ОАВлар Париждаги Эйфел минораси терактлар қурбонларига мотам тутиб, чироқларини ўчиргани ҳақида хабар тарқатди. Аслида, миноранинг ёритилиши жадвал бўйича тунги 1:00 да ўчирилди.
Tonight, our Eiffel Tower will remain dark in memory of the lives lost in the attacks in Paris. pic.twitter.com/FFr55bRnHE
— Paris Las Vegas (@ParisVegas) November 14, 2015
Бироқ, миноранинг Лас-Вегасдаги нусхаси ҳақиқатан ҳам чироқларини ўчирди — бу миноранинг чироқлари, одатда, кечаси билан ёниқ бўларди.
Изоҳ (0)