Edvard Snouden The Intercept nashriga bergan intervyusida internet-foydalanuvchilarga tarmoqda shaxsiylikni saqlab qolish borasida ba’zi maslahatlarni berib o‘tdi, deb yozadi “Gazeta.ru”.
Veb-brauzerlarda reklamani bloklovchi vositalar qo‘llash haqida so‘zlar ekan, MRB sobiq xodimi “har kim tarmoqda maxfiylikni saqlash bo‘yicha bor imkoniyatlarini ishga solish uchun nafaqat huquqqa balki majburiyatga ham ega ekanligi”ni ta’kidladi. Uning so‘zlariga ko‘ra, internetdagi faol kontentga ega reklama foydalanuvchi kompyuteriga hujum yo‘nalishiga aylanishi mumkin, shuning uchun uni bloklashga intilish kerak.
Bundan tashqari, Snouden tarmoqda xavfsizlikni oshirish uchun parollar menejeridan foydalanish, ikki darajali verifikatsiya o‘rnatish va Tor brauzerini ishlatishni maslahat berdi.
Izoh (0)