Facebook Fransiyada jo‘natilganidan so‘ng o‘zini-o‘zi yo‘q qiladigan xabarlar xizmatini joriy etdi

Facebook Messenger dasturida jo‘natilganidan so‘ng bir soat o‘tgach o‘zi g‘oyib bo‘ladigan xabarlar jo‘natish imkoniyatini sinovdan o‘tkazyapti. Mazkur yangilik hozircha Fransiyada qo‘llanmoqda. Bu haqda BuzzFeed xabar berdi.

Ayrim foydalanuvchilar yangi xizmatni 12-noyabrdan boshlab sinab ko‘rishlari mumkin. Dasturda g‘oyib bo‘luvchi xabarlarni jo‘natadigan qum soatlari tasviri ko‘rinadi. Sinovlar iOS’da ham, Android’da ham o‘tkazilmoqda.

Facebook hozirgi bosqichda foydalanuvchilarning yangi xizmat haqidagi taassurotlarini to‘playdi. Agar bunday xabarlarni yuborish foydalanuvchilarga ma’qul kelsa, ijtimoiy tarmoq uni boshqa mamlakatlarda ham ishga tushiradi.