Iste’mol texnologiyalari assotsiatsiyasi (CTA®) LG Electronics’ni innovatsion mahsulotlari uchun 21 ta mukofot bilan taqdirlash orqali kompaniyaning texnologiyalar va dizayn sohasidagi afzalliklarini e’tirof etdi. Ushbu mahsulotlarni 2016-yilning 6—9-yanvar kunlari Las-Vegasdagi CES 2016 ko‘rgazmasida tomosha qilish mumkin bo‘ladi.
CES 2016 Innovation Awards mukofotiga 77 dyuymli OLED televizorining 2016-yilgi modeli, eng yangi LG V10 smartfoni va SideKick™ mini-mashinasiga ega o‘xshashi yo‘q LG Twin Wash™ kir yuvish mashinasi sazovor bo‘ldi. G‘oliblikni qo‘lga kiritgan LG mahsulotlari orasida OLED 4K va LCD/LED 4K televizorlar, maishiy texnika, mobil qurilmalar va aksessuarlar bor, ularning to‘liq ro‘yxati 5-yanvar kuni CES 2016 ko‘rgazmasi chog‘ida e’lon qilinadi.
77 dyuymli 4K OLED televizori hay’at tomonidan zamonaviy loyihalashtirish va dizayn sohasidagi yutuqlari uchun e’tirof etildi. Ajoyib ilg‘or dizaynga qo‘shimcha tarzda, OLED modeli filmlarni eng yangi HDR formatida ko‘rsata oladi, shuningdek, tasvirlarni eng mukammal sifatda uzata olishi bilan farq qiladi.
CES Innovation Awards mukofotiga sazovor bo‘lgan kir yuvish sohasidagi yana bir innovatsiya LG Styler bo‘ldi. U kiyim-kechaklarni yuvish uchun yangi elegant tizim bo‘lib, maxsus ishlov berishni talab qiladigan kiyimlarni oson va ko‘p vaqt sarflamasdan yaxshi holatda saqlash va tozalash imkonini beradi.
Yangi LG V10 smartfoni ham mukofot tomonidan mobil innovatsiyalar chegarasini kengaytirgani uchun alohida qayd etildi. V10 ijod uchun yaratilgan — u video ko‘rish uchun ham, uni yaratish uchun ham boy multimedia imkoniyatlarini taqdim etadi.
CES Innovation Awards 2016 mukofotiga loyiq deb topilgan boshqa mobil qurilmalar qatoriga LG Watch Urbane 2nd Edition, LG Tone Active va LG Rolly klaviaturasi kirdi.
LG brendi 2004-yilgi CES ko‘rgazmasida rasman AQSh bozoriga kirganidan buyon LG kompaniyasi CES Innovation Awards’ning 170 dan ziyod mukofotlariga ega bo‘lgan.
Reklama huquqi asosida
Izoh (0)