Facebook rasmiylardan foydalanuvchilar haqidagi ma’lumotlar bo‘yicha so‘rovlar ko‘paygani haqida ma’lum qildi
Facebook rahbariyati rasmiylardan foydalanuvchilar haqidagi ma’lumotlar bo‘yicha so‘rovlar ko‘paygani haqida ma’lum qildi. Bu haqda ijtimoiy tarmoqning 11-noyabr, chorshanba kuni e’lon qilingan hisobotida xabar berilgan.
Hujjatga ko‘ra, 2015-yil olti oyi davomida turli mamlakatlar hukumatlaridan foydalanuvchilar haqidagi ma’lumotlarni oshkor etish yuzasidan 40 mingdan ziyod so‘rov kelib tushgan. Bu o‘tgan yilning shu davriga nisbatan 18 foizga ko‘p.
Shuningdek, turli davlat rasmiylari talabiga ko‘ra foydalanuvchilar uchun yopishga to‘g‘ri kelgan kontentlar hajmi 112 foizga ko‘paygani qayd etilgan. “Biz foydalanuvchilarimizga oid ma’lumotlarni himoya qilish uchun rasmiylardan kelib tushayotgan so‘rovlarni o‘rganishda davom etamiz”, — deya ta’kidlangan kompaniya tomonidan tarqatilgan xabarda.
