O‘zbekiston davlat banklari neft narxlari o‘zgarishidan zarar ko‘rmadi, biroq depozitlar dollarlashtirilishining yuqori darajasi valyuta kursi keskin o‘zgaradigan holatlarda ularning aktivlari sifati uchun riskka ega. Bu haqda Fitch Ratings xalqaro reyting agentligi hisobotiga tayanib, “Gazeta.uz” xabar bermoqda.
Fitch O‘zbekistonning “O‘zsanoatqurilishbank”, “Asaka”, “Agrobank” va “Mikrokreditbank” kabi to‘rtta yirik bank tizimini tahlil qilib chiqdi.
Fitch banklarning milliy valyutadagi uzoq muddatli emitent defolti reytingini “B”, xorijiy valyutadagi uzoq muddatli emitent defolti reytingini esa “B-” deb baholadi. Bunga, Fitch fikricha, O‘zbekistonda konvertatsiya bo‘yicha cheklovlar va valyuta kursining qat’iy ravishda boshqarilishi tufayli xorijiy valyutadagi favqulodda ko‘mak imkoniyati kam ekanligi sabab bo‘ldi.
Izoh (0)