Oxirgi o‘n kun mobaynida Rossiya aviatsiyasi kuniga ikki marta Eron qurol-yarog‘larini Suriyaga yetkazgan. Bu haqda razvedka manbalariga tayangan holda Fox News ma’lum qildi, deya xabar beradi “RBK”.
Fox News manbalaridan ma’lum bo‘lishicha, aslahalarni Suriyaga Rossiya yuk samolyotlari eltib bermoqda. Parvozlar ro‘yxatdan o‘tkazilmagan, chunki ular BMT Xavfsizlik kengashining Eronga qurolni boshqa mamlakatlarga berishni man etuvchi rezolyutsiyalariga zid hisoblanadi.
Eron qurollarini samolyotga ortishga “Al-Quds” maxsus bo‘linmasi qo‘mondoni general-mayor Qosim Sulaymoniy rahbarlik qilmoqda. Telekanalning ta’kidlashicha, Rossiya prezidenti Vladimir Putin va mudofaa vaziri Sergey Shoygu ham bu amaliyotlardan xabardor.
Fox News Eronning Mahan Air fuqaro aviakompaniyasi ham kuniga bir necha bor Eron harbiylarini Suriyaga tashiyotganini bildirgan.
Izoh (0)