Molekulyar-genetik ekspertiza siyosatchi Boris Nemsov o‘ldirilgandan so‘ng qotil voqea joyidan yashiringan ZAZ Chance avtomobilidan Zaur Dadayevning biologik izlarini topdi. Bu haqda “RBK” xabar beradi.
Ekspertlar, shuningdek, mashinadan ayblanuvchilar Anzor Gubashev va Temirlan Eskerxanov foydalanganligini aniqladi. Mashinadan yana ikki ayblanuvchi Shadid Gubashev va Hamzat Baxayevning izlari topilmadi.
Dadayevning advokati Shamsudin Sakayev tergovchilar uni ushbu ekspertiza bilan tanishishga chaqirmaganligini nashrga ma’lum qildi. “Biroq men ekspertlar shunday xulosaga kelganligini eshitdim”, — deb tasdiqladi Sakayev.
Eslatib o‘tamiz, Zaur Dadayev 2015-yil oktabr oyi boshida Rossiya prezidentiga uni Suriyaga jang qilish uchun yuborishni so‘rab, murojaat qilgan edi, biroq uning iltimosi e’tiborsiz qoldirilgan.
Izoh (0)