Молекуляр-генетик экспертиза сиёсатчи Борис Немцов ўлдирилгандан сўнг қотил воқеа жойидан яширинган ZAZ Chance автомобилидан Заур Дадаевнинг биологик изларини топди. Бу ҳақда «РБК» хабар беради.
Экспертлар, шунингдек, машинадан айбланувчилар Анзор Губашев ва Темирлан Эскерханов фойдаланганлигини аниқлади. Машинадан яна икки айбланувчи Шадид Губашев ва Ҳамзат Бахаевнинг излари топилмади.
Дадаевнинг адвокати Шамсудин Цакаев терговчилар уни ушбу экспертиза билан танишишга чақирмаганлигини нашрга маълум қилди. «Бироқ мен экспертлар шундай хулосага келганлигини эшитдим», — деб тасдиқлади Цакаев.
Эслатиб ўтамиз, Заур Дадаев 2015 йил октябрь ойи бошида Россия президентига уни Сурияга жанг қилиш учун юборишни сўраб, мурожаат қилган эди, бироқ унинг илтимоси эътиборсиз қолдирилган.
Изоҳ (0)