Kamida 24 kishi Indoneziyaning qator mintaqalarida ikki oydan beri to‘xtamayotgan kuchli o‘rmon yong‘inlari qurboni bo‘ldi. Bu haqda 30-oktabr, juma kuni tabiiy ofatlar oqibatlarini bartaraf etish milliy agentligi ma’lum qildi, deya xabar beradi “TASS”.
O‘rmonlar mamlakatning Sumatra va Kalimantan, shuningdek, aholi eng gavjum bo‘lgan Yava orolida yonmoqda. Kuni kecha mazkur orolda to‘rt kishi yong‘inni o‘chirishga urinish chog‘ida halok bo‘ldi. Mamlakat rasmiylari yordam so‘rab boshqa davlatlarga murojaat etishga majbur bo‘lgan.
Eslatib o‘tamiz, oldinroq Indoneziyada davom etayotgan o‘rmon yong‘inlari tufayli 17 kishi hayotdan ko‘z yumgani ma’lum qilingan edi.
Izoh (0)