AQShning Florida shtatidagi Fort-Loderdeyl/Xollivud aeroportida samolyot parvoz qilayotgan chog‘ida yonib ketdi. Bu haqda “RBK” xabar bermoqda.
Floridaning Fort-Loderdeyl shahridan Venesuela poytaxti Karakasga yo‘l olgan Dynamic International Airways aviakompaniyasiga tegishli Boeing 767 samolyoti bortida 101 kishi bo‘lgan. Mahalliy politsiya ma’lumotlariga ko‘ra, alangalanish oqibatida 15 kishi kasalxonaga yotqizilgan, ulardan biri jiddiy kuygani aytilmoqda. Qolgan yo‘lovchilar evakuatsiya qilingan.
AQSh fuqarolik aviatsiyasi federal boshqarmasidan ma’lum qilishlaricha, samolyot parvozidan avval yoqilg‘i sizishi ro‘y bergan.
Izoh (0)