“Potrebitel.uz” salonda sigareta chekadigan, yo‘l harakati qoidalariga rioya qilmasdan boshqa haydovchilar bilan “kimo‘zarga” o‘ynaydigan, bir-birining yo‘lini kesib chiqadigan yo‘nalishli taksi haydovchilarning “adabini berish” yo‘llarini keltirdi.
“Biz avtobus va yo‘nalishli taksilarda bepul yurmaymiz va jamoatchilik shartnomasining barcha shartlari bajarilishini talab qilishga haqlimiz”, — deyiladi xabarda.
Unda qayd etilishicha, “Alkogol va tamaki mahsulotlarini tarqatish va iste’mol qilishni cheklash to‘g‘risida”gi qonunning 4-bob, 19-moddasiga muvofiq, ish joylarida, sog‘liqni saqlash, ta’lim, sport-sog‘lomlashtirish muassasalarida, yong‘in uchun xavfli bo‘lgan joylar, shu jumladan, avtomobilga yonilg‘i quyish stansiyalari va boshqa jamoat joylarida (maxsus ajratilgan joylardan tashqari), shuningdek, jamoat transportining barcha turlarida tamaki mahsulotlarini iste’mol qilishga yo‘l qo‘yilmaydi.
Nashr “O‘zshahartransxizmat” sayti orqali maxsus formani to‘ldirib, murojaat yuborishni taklif etgan, bunda “marshrutka” raqami va vaqtni ko‘rsatish kifoya. Shuningdek, Davlat xizmatlari yagona portali orqali ham arznoma berish mumkinligi aytilgan.
Izoh (0)