O‘zbekiston Vazirlar Mahkamasi Prezidentning “Keksalarni e’zozlash yili” Davlat dasturi to‘g‘risidagi qarorini ijro etish yuzasidan “2015—2017-yillarda pensiya ta’minotining yagona idoralararo integratsiyalashtirilgan axborot tizimini joriy etish chora-tadbirlari to‘g‘risida” qaror (pdf) qabul qildi.
Qarorga ko‘ra, moliya vazirligi huzuridagi byudjetdan tashqari Pensiya jamg‘armasi tomonidan pensiya va ijtimoiy nafaqalar oladigan 2,7 milliondan ortiq pensionerlar va 237 ming fuqarolar bo‘yicha yagona ma’lumotlar bazasini ifodalaydigan, uning vositasida pensiyalar va ijtimoiy nafaqalarni tayinlash, hisob-kitob qilish, qayta hisob-kitob qilish, shuningdek, har oyda tayinlash jarayonlarini avtomatlashtirish ta’minlanadigan avtomatlashtirilgan axborot tizimi — “Pensiya” dasturiy majmui joriy etildi.
“Pensiya” dasturiy majmui negizida uni yanada takomillashtirish va funksional kengaytirish yo‘li bilan keksa kishilar uchun pensiyalar va ijtimoiy nafaqalarni tayinlashning eng qulay tizimini nazarda tutuvchi, ma’lumotnomalar va tasdiqlovchi hujjatlarni qog‘oz shaklida olishni istisno etuvchi, shuningdek, pensiyalar va nafaqalar to‘lashga mablag‘larni o‘z vaqtida moliyalashtirishni ta’minlaydigan moliya vazirligi huzuridagi byudjetdan tashqari Pensiya jamg‘armasi pensiya ta’minotining yagona idoralararo intergartsiyalashtirilgan axborot tizimi tashkil etiladi.
Izoh (0)