Pokiston janubi-sharqidagi Chalgari shahrining shialar masjidida ro‘y bergan portlash oqibatida qurbon bo‘lganlar orasida ayollar va bolalar bo‘lgan. Bu haqda “TASS” xabar bermoqda.
“Xudkush terrorchining o‘zini portlatib yuborishi tufayli kamida 10 kishi halok bo‘ldi va 12 kishi jarohat olgan, — deya ma’lum qilgan Belujiston provinsiyasi ichki ishlar vaziri Sarafroz Bugti. — Nobud bo‘lganlar orasida ayollar va 10 dan 12 yoshgacha bo‘lgan olti nafar bola ham bor”.
Vazirning aytishicha, xudkush 18 yosh atrofidagi paranji o‘ragan qiz bo‘lgan. Politsiya hodisaning boshqa tafsilotlarini o‘rganmoqda. Portlash ro‘y bergan hudud o‘rab olingan. Terrorchi guruhlardan hech biri mazkur terakt uchun mas’uliyatni hozircha zimmasiga olmagan.
Izoh (0)