Покистон жануби-шарқидаги Чалгари шаҳрининг шиалар масжидида рўй берган портлаш оқибатида қурбон бўлганлар орасида аёллар ва болалар бўлган. Бу ҳақда «ТАСС» хабар бермоқда.
«Худкуш террорчининг ўзини портлатиб юбориши туфайли камида 10 киши ҳалок бўлди ва 12 киши жароҳат олган, — дея маълум қилган Белужистон провинцияси ички ишлар вазири Сарафроз Бугти. — Нобуд бўлганлар орасида аёллар ва 10 дан 12 ёшгача бўлган олти нафар бола ҳам бор».
Вазирнинг айтишича, худкуш 18 ёш атрофидаги паранжи ўраган қиз бўлган. Полиция ҳодисанинг бошқа тафсилотларини ўрганмоқда. Портлаш рўй берган ҳудуд ўраб олинган. Террорчи гуруҳлардан ҳеч бири мазкур теракт учун масъулиятни ҳозирча зиммасига олмаган.
Изоҳ (0)