Shvetsiya migratsiya boshqarmasi tomonidan hozirga qadar ro‘yxatga olingan qochoqlar soni 240 ming kishini tashkil etmoqda. “TASS”ning idora rahbari Anders Danielssonga asoslanib xabar berishicha, mazkur ko‘rsatkich Shvetsiyadagi butun bir shaharlar aholisi soni bilan teng.
E’lon qilingan prognozlarga ko‘ra, 9,8 million aholi istiqomat qiladigan Shvetsiya 2015—2016-yillarda 360 ming nafargacha qochoq qabul qiladi. Bu qochoqlarning aholi jon boshiga to‘g‘ri kelishi bo‘yicha Yevropadagi eng katta ko‘rsatkichdir.
Ayni vaqtda, shvedlarning qochoqlarga nisbatan munosabati yomonlashmoqda. Xususan, so‘nggi bir yil ichida qirollikdagi qochoqlarni vaqtincha saqlash hududlariga o‘n marta hujum uyushtirildi.
Shu munosabat bilan mamlakatning bir qator tumanlari ma’muriyati qochoqlarning qayerga joylashtirilayotgani haqida jamoatchilikka axborot bermasligini e’lon qildi.
Izoh (0)