Филиппин шимолидаги Koppu тўфони қурбонлари сони 47 кишига етди, дея хабар бермоқда «РИА Новости».
Одамлар тўфон натижасида юзага келган сув тошқини, ер ўпирилиши ва дарахтлар қулаши оқибатида ҳалок бўлган. Яна бир неча киши бедарак йўқолган деб эълон қилинди.
Фуқаро мудофааси маҳаллий бўлинмасининг маълум қилишича, мамлакатнинг қишлоқ хўжалик туманларида 20 октябрь, сешанба куни 200 дан ортиқ қишлоқ сув остида қолган. Табиий офат оқибатларини бартараф этиш агентлиги маълумотларига қараганда, тўфон 500 мингга яқин кишига таъсир етказган.
Филиппин ҳукумати ҳисоб-китобларига кўра, тўфондан қишлоқ хўжалиги ва инфратузилмага етган зарар 115 миллион долларни ташкил этади.
Изоҳ (0)