Futbol bo‘yicha Braziliya terma jamoasi va “Barselona” futbol klubi hujumchisi Neymar bolalik orzusini amalga oshirdi. Bu haqda “Korrespondent.net” xabar bermoqda.
Neymar 270 ming yevro evaziga o‘zi uchun Ferrari sotib oldi. Futbolchi o‘zining yangi xaridi bilan Instagram’dagi sahifasida “maqtandi”.
“Bolalik orzuimni o‘z mehnatim orqali ro‘yobga chiqarish uchun sog‘liq va imkoniyat bergani uchun Xudoga shukur”, — deb yozdi Neymar Instagram’dagi fotosuratga ilova qilingan xabarda.
Qayd etish joiz, Ferrari 458 Spider ilk bor 2009-yili Frankfurt avtosalonida namoyish etilgan edi. Avtomobilning taxminiy narxi 270 ming yevroga teng.
Izoh (0)