26—27-sentabr kunlari Moskvada o‘tkazilgan FIFA15 sport simulyatori bo‘yicha WSVG CIS Final 2015 xalqaro turniri finalida o‘zbekistonlik kiberfutbolchilar shov-shuvli natija ko‘rsatdi, deya xabar bermoqda “Infocom.uz”.
Musobaqalarda Rossiya, Ukraina, Belarus, Ozarbayjon va O‘zbekistondan kelgan kuchli sportchilar qatnashdi. 32 kishi oktabr oyida Maldiv orollarida bo‘lib o‘tadigan World Series of Video Games Maldives 2015 xalqaro musobaqasi uchun yo‘llanmaga ega bo‘ldi.
Turnirda besh nafar O‘zbekiston vakili qatnashib, guruh musobaqalari bosqichidan muvaffaqiyatli o‘tdi, ulardan biri — Muhammadamin Turg‘unboyev musobaqalar yakunlariga ko‘ra ikkinchi o‘rinni egalladi.
Izoh (0)