Миср қуролли кучлари сўнгги икки ҳафта давомида Синай яриморолининг шимолида олиб борган кенг кўламли операция натижасида 535 нафар жангари йўқ қилинди. Бу ҳақда «ТАСС» хабар бермоқда.
Рафаҳ, Шайх-Зувайд ва Эл-Ариш шаҳарлари ва яриморолнинг марказий қисмидаги бир қатор туманларни қамраб олган махсус операция 7 сентябрь куни бошланган бўлиб, террорчиларга қарши ҳужумга армия ва ички ишлар вазирлигининг махсус бўлинмалари, зирҳли техника, жанговар авиация ва артиллерия жалб этилган.
Қайд этишларича, ўтган давр мобайнида армия ва полиция жами 11 кишини йўқотган. Диний ақидапарастларга қарши жангларда 24 нафар аскар ва зобит тан жароҳати олгани айтилмоқда.
Изоҳ (0)