21-sentabr, dushanba kuni Chexiyaning Vlashim shahridagi ov qurollari uchun o‘q-dori va patronlar ishlab chiqaradigan Sellier&Bellot zavodida porox portlashi oqibatida halok bo‘lganlar soni uch kishiga yetdi. Oldinroq bir kishi nobud bo‘lgani aytilayotgan edi. Bu haqda “RIA Novosti” xabar bermoqda.
“Pirotexniklar ishini tugatib, zavod hududiga kirishga ruxsat berganidan so‘ng korxonadagi binolardan birida zavod ishchilaridan yana ikki kishining jasadi topildi”, — deya xabar berdi Chexiya televideniyesi.
Portlashdan keyinoq zavod rahbariyati vakillari keyinchalik jasadi topilgan ishchilarni nazarda tutib, uch kishining daraksiz yo‘qolgani to‘g‘risida xabar bergan edi. Portlash tufayli jabrlangan boshqa insonlar haqida hozircha ma’lumot yo‘q.
Mazkur hodisa tafsilotlarini o‘rganish davom etmoqda.
Izoh (0)