Qozog‘iston prezidenti Nursulton Nazarboyev 26—29-sentabr kunlari BMT Bosh Assambleyasining yubiley 70-sessiyasida qatnashish maqsadida AQShda tashrif bilan bo‘ladi. Bu haqda “RIA Novosti” xabar bermoqda.
Nazarboyev Bosh Assambleyaning umumiy debatlarida ma’ruza bilan chiqish qilishi, BMT Ming yillik maqsadlarini amalga oshirish va 2030-yilga qadar barqaror rivojlanish maqsadlarini ko‘rib chiqish bo‘yicha Sammitda, shuningdek, Zo‘ravonlikka asoslangan ekstremizga qarshi kurash bo‘yicha Sammitda qatnashishi kutilmoqda.
Shuningdek, Qozog‘iston prezidenti Bosh Assambleya doirasida bir qator davlat va hukumat rahbarlari bilan muzokaralar o‘tkazishni rejalashtirgan. Bundan tashqari, JP Morgan, Guggenheim, Chevron, Microsoft va boshqa shu kabi AQShning yirik kompaniyalari vakillari bilan ham uchrashuvlar tashkil etilishi ko‘zda tutilgan.
Izoh (0)