Bankir Sergey Pugachyov Rossiyaga nisbatan 10 milliard dollarlik da’vo qo‘zg‘adi, deya xabar bermoqda “Gazeta.ru”.
Reuters o‘z manbalariga tayanib yozishicha, da’vo Gaagadagi sudga berilgan. Shikoyat tafsilotlari Parijda 22-sentabrda oshkor etiladi.
Rossiya hukumatidagilar bu ma’lumotga izoh bermadi.
Nashr eslatishicha, Pugachyovning Rossiyaga nisbatan haq talab qilishi mumkinligi haqida iyulda xabarlar paydo bo‘lgan edi. O‘shanda sobiq senator va bankir Rossiya hukumatini jami qiymati 15 milliard dollarga teng to‘rtta aktivni majburiy tarzda tortib olishda ayblagan edi.
Izoh (0)