Somali poytaxti Mogadishodagi prezident Hasan Shayx Muhammad saroyi oldida ro‘y bergan terakt oqibatida kamida besh kishi halok bo‘ldi. Bu haqda “TASS” xabar bermoqda.
“Xudkush tomonidan boshqarilgan portlovchi modda ortilgan mashina prezident saroyi oldida portlab ketdi. Hozircha besh askar nobud bo‘lgani, o‘ndan ortiq kishi jarohatlangani ma’lum”, — deya bayon qilgan poytaxt politsiyasi vakili Ali Husayn. Uning ta’kidlashicha, terrorchilar saroydan portlashdan avvalroq jo‘nab ketgan BMT avtomobillarini nishonga olishni ko‘zlagan bo‘lishi mumkin.
Terakt tufayli prezident saroyi majmuining darvozasi shikastlangan, hodisa joyida yonib ketgan beshta avtomobil borligi aytilmoqda.
Izoh (0)