19-sentabr, shanba kuni tunda Hindiston janubi-sharqidagi Orissa shtatida ro‘y bergan avtohalokatda kabbadi milliy o‘yini jamoasining to‘qqiz a’zosi halok bo‘ldi, yana besh kishi jarohat oldi. Bu haqda “ТАSS” xabar bermoqda.
Murabbiy boshchiligidagi to‘liq tarkib bilan o‘yindan qaytayotgan jamoa Sandergarx okrugining Barai tumanidagi trassaning murakkab qismida avtohalokatga uchradi. Yetti nafar sportchi hodisa joyida hayotdan ko‘z yumdi, ikki nafari esa kasalxonada olamdan o‘tgan. Qolgan besh nafar sportchining hayoti uchun shifokorlar kurashmoqda.
Kabaddi – Hindistonda asos solingan, kurash va quvlashmachoqni o‘z ichiga oluvchi kamida to‘rt ming yillik tarixga ega o‘yin. 1990-yilda kabbadi Pekinda o‘tgan Osiyo o‘yinlari dasturiga kiritilgan. 2004-yildan boshlab esa jahon chempionatlari o‘tkazib kelinmoqda. Shu paytga qadar bo‘lib o‘tgan to‘rtta dunyo birinchiligida ham Hindiston g‘olib chiqqan.
Izoh (0)