20-sentabr, yakshanba kuni mahalliy vaqt bilan 12:00 da Xerson viloyati bilan Qrim o‘rtasidagi ma’muriy chegarada Qrim tatarlari va jamoatchilik faollarining yarimorolni savdo qamali qilish bo‘yicha muddatsiz aksiyasi boshlandi. Bu haqda Ukraina ichki ishlar vazirining maslahatchisi Zoryan Shkiryak Facebook’dagi sahifasida ma’lum qildi, deya xabar bermoqda “Korrespondent.net”.
“Chongar, Chaplinka, Kalanchak nazorat punktlarida yarimorolga yo‘l olayotgan yuk mashinalarini qamal qilish boshlandi. Odamlar juda ko‘p, ular mamlakatning turli mintaqalaridan kelishda davom etmoqda”, — deya xabar qilgan Shkiryak.
Qamal joyida chodirlar, dala oshxonalari, sanuzellar joylashtirilgan, chegaraga olib boruvchiga yo‘lga beton urnalar o‘rnatilmoqda. Mahalliy jurnalistlarning ta’kidlashicha, ayni paytda chegarada yuk mashinalari kuzatilmagan, chunki haydovchilarga qamal boshlanishidan avval, tunda chegaradan uzoqroqqa ketish maslahat berilgan.
Aksiyada Majlis yetakchisi, deputat Refat Chubarov ham ishtirok etmoqda. U mazkur qamaldan tashqari, Qrim tatarlari yarimorolga elektr energiyasi yetkazib berishni to‘xtatishga harakat qilishini ham istisno etmadi.
Izoh (0)