Pentagon Turkiyaning Gaziantep viloyatidan “Petriot” zenit raketa tizimlarini olib chiqishni boshladi. Bu haqda Turkiya matbuotiga asoslanib, “Interfaks” xabar bermoqda.
16-avgust kuni AQSh tomoni 2015-yilning oktabr oyida Turkiyadan “Petriot” tizimlari olib chiqilishini ma’lum qilgandi. Pentagon vakili Jeff Devisning ma’lum qilishicha, mazkur qaror qo‘shni Suriyaning harbiy salohiyati sustlashgani munosabati bilan qabul qilingan.
“Biz Bashar Asad tuzumi kuchsizlanayotganini ko‘rmoqdamiz, Suriya raketa zaxiralarining katta qismi Suriya hududidagi nishonlarga qarata yo‘llanayotganiga guvoh bo‘lyapmiz”, — degandi Devis.
Ma’lumot uchun, NATOga a’zo mamlakatlar — AQSh, Germaniya va Gollandiyaning ikkitadan “Petriot” zenit raketa tizimlari batareyalari 2013-yili Turkiyaning Suriya bilan chegaradosh hududlariga o‘rnatilgan edi.
Izoh (0)