Makkadagi Al Haram masjidiga qurilish krani qulashi natijasida halok bo‘lganlar soni 107 kishiga yetdi, yana 238 kishi jarohatlandi, deya xabar bermoqda “RIA Novosti” Saudiya Arabistoni fuqarolik mudofaasiga tayanib. Ayni paytda voqea joyida qutqaruvchilar ishlamoqda.

Nashr eslatishicha, 11-sentabr kuni Makkadagi Al Haram masjidiga minorali kran qulab tushdi. U tomni teshib o‘tib, masjid hovlisiga tushdi, bu paytda u yerda yuzlab ziyoratchilar bo‘lgan.

Dastlabki ma’lumotlarga ko‘ra, kranning yiqilishiga kuchli jala va shiddatli shamol sabab bo‘lgan. Saudiya Arabistoni hukumati o‘tgan yili Al Haram masjidini rekonstruksiya qilishni boshlagan edi.