AQSh rasmiylari Turkiyada istiqomat qilayotgan amerikalik harbiylar va diplomatlarning oilalariga mamlakat hududini tark etishni taklif qildi. Bu haqda “RIA Novosti” xabar bermoqda.
Gap “Injirlik” aviabazasi va Amerikaning Adana shahridagi konsulxonasida bo‘lib turgan taxminan 900 kishi haqida ketmoqda. Pentagon va Davlat departamentining bu taklifi turk harbiy samolyotlari xalqaro koalitsiyaning IShID Suriyada egallagan hududlarga zarba berishiga qo‘shilganidan so‘ng bildirildi.
Eslatib o‘tamiz, oldinroq Turkiya hukumati mamlakatdagi aviabazalarda koalitsiyaning havo kemalari joylashtirilishiga ruxsat bergandi. Avgust oyi o‘rtalarida “Injirlik” aviabazasidan ko‘tarilgan AQSh Harbiy-havo kuchlariga qarashli F-16 qiruvchi samolyotlari IShIDning Suriyadagi marralariga birinchi zarbalarni yog‘dirgan.
Izoh (0)