Yevropa futbol assotsiatsiyalari uyushmasi (UEFA) raisi Mishel Platini Monakoda bo‘lib o‘tgan matbuot anjumanida Qrimdagi mahalliy chempionat o‘yinlariga tashrif buyurishi ehtimoldan xoli emasligini ma’lum qildi, deya xabar bermoqda “TASS”.
“Biz yarimorolda mahalliy liga tashkil etilganidan mamnunmiz. UEFA uchun mintaqadagi futbol rivoji muhim ahamiyatga ega”, — deya ta’kidlagan Platini.
Bundan bir yil avval Qrimning uch klubi Rossiya chempionatining ikkinchi ligasi tarkibiga qabul qilingan, ammo dekabrda ularning musobaqadagi ishtiroki UEFA talabiga ko‘ra to‘xtatilgan edi. Keyinchalik uyushma ko‘magida Qrim chempionati tashkil etish to‘g‘risida qaror qabul qilindi.
Sakkiz jamoa ishtirok etayotgan ushbu birinchilikning dastlabki o‘yinlari 22—23-avgust kunlari bo‘lib o‘tdi.
Izoh (0)