Bugun, 28-avgust kuni Monakoda Yevropa Ligasining 2015/16-yilgi mavsumdagi guruh bosqichiga qur’a tashlandi, deb xabar beradi “Arena.uz”.
Musobaqa guruh bosqichida jami 48 jamoa kurash olib boradi: 22 ta pley-off raundi g‘olibi, 10 ta YeChL pley-offidan o‘ta olmagan klub hamda 16 ta guruh bosqichiga to‘g‘ridan-to‘g‘ri yo‘llanma olgan jamoalar.
Bir assotsiatsiyaga qarashli klublar, shuningdek, Rossiya va Ukraina jamoalari turlicha kvartetlarga taqsimlangan.
Qur’aga ko‘ra, O‘zbekiston milliy terma jamoasi yarim himoyachisi Odil Ahmedov harakat qiladigan Rossiyaning “Krasnodar” klubi Dortmundning “Borussiya”, “PAOK” va “Gabala” klublari bilan bir C guruhidan joy egalladi.
Yana bir o‘zbekistonlik futbolchi Vitaliy Denisov o‘ynaydigan Moskvaning “Lokomotiv” jamoasi esa “Sporting”, “Beshiktosh”, “Skenderbeu” klublari bilan H guruhida pley-offga chiqish uchun kurash olib boradi.
A guruhi: Ayaks, Seltik, Fenerbaxche, Myolde
B guruhi: Rubin, Liverpul, Bordo, Son
C guruhi: Borussiya Dortmund, PAOK, Krasnodar, Gabala
D guruhi: Napoli, Bryugge, Legiya, Midtyulland
E guruhi: Vilyarreal, Viktoriya Plzen, Rapid, Dinamo Minsk
F guruhi: Marsel, Braga, Slovan Liberets, Groningen
G guruhi: Dnepr, Latsio, Sent-Etyen, Rusenborg
H guruhi: Sporting, Beshiktosh, Lokomotiv, Skenderbeu
I guruhi: Bazel, Fiorentina, Lex, Belenensesh
J guruhi: Tottenxem, Anderlext, Monako, Qorabog‘
K guruhi: Shalke-04, APOEL, Sparta Praga, Asteras
L guruhi: Atletik, AZ, Augsburg, Partizan
Guruh bosqichining uchrashuvlari 17-sentabr, 1 va 22-oktabr, 5 va 26-noyabr hamda 10-dekabr kunlarida bo‘lib o‘tishi rejalashtirilgan.
Izoh (0)