Ўзбекистон банк троянлари вируси ҳужумига учраган фойдаланувчилар сони бўйича мамлакатлар рейтингида 3-ўринни эгаллади

«Касперский Лабораторияси» «2015 йил иккинчи чорагида ахборот хавфлари ривожланиши» ҳисоботини эълон қилди, дея хабар бермоқда «Infocom.uz». Унда келтирилган маълумотларга кўра, Ўзбекистон банк троянлари (вирус) ҳужумига учраганлар фоизи бўйича учинчи бўлди.

Бундан ташқари, Ўзбекистон  барча ҳужумга учраганлар орасида мобил банкерлари ҳужумига учраган фойдаланувчилар улуши, шунингдек мобил зараркунандалар томонидан ҳужум қилинган фойдаланувчилар сони бўйича юқори ўнталик мамлакатлари қаторидан жой олди.

Мобил банк троянлари ҳужумига учраган фойдаланувчилар фоизи бўйича мамлакатлар рейтинги:

1. Корея Республикаси — 2,37% (мобил банк троянлари томонидан ҳужумга учраган фойдаланувчиларнинг мамлакатдаги барча «Касперский Лабораторияси» мобил антивируси фойдаланувчиларига нисбатан фоизи)
2. Россия — 0,87%
3. Ўзбекистон — 0,36%
4. Беларусь — 0,30%
5. Украина — 0,29%
6. Хитой — 0,25%
7. Қозоғистон — 0,17%
8. Австралия — 0,14%
9. Швеция — 0,13%
10. Австрия — 0,12%

Мобил зараркунандалар ҳужумига учраган фойдаланувчилар бўйича мамлакатлар рейтинги:

1. Хитой — 16,34% (мамлакатда ҳужумга учраганларнинг «Касперский Лабораторияси» мобил антивируси фойдаланувчиларига нисбатан фоизи)
2. Малайзия — 12,65%
3. Нигерия — 11,48%
4. Бангладеш — 10,89%
5. Танзания — 9,66%
6. Жазоир — 9,33%
7. Ўзбекистон — 8,56%
8. Россия — 8,51%
9. Украина — 8,39%
10. Беларусь — 8,05%