Toshkentda “Yoshlarga Internet tarmog‘ida milliy segmentni rivojlantirishda ko‘maklashish” loyihasi taqdim etildi

29-iyul kuni Yoshlar ijod saroyida “Yoshlarga Internet tarmog‘ida milliy segmentni rivojlantirishda ko‘maklashish” hamda “Muruvvat uylaridagi keksa kishilarga ko‘rsatilayotgan xizmatlar darajasi va sifatini oshirish” loyihalarining taqdimoti bo‘lib o‘tdi, deya xabar bermoqda UzDaily.

Loyihaning asosiy maqsadi axborot-kommunikatsiya texnologiyalari sohasida iste’dodli yoshlarni aniqlash va qo‘llab-quvvatlash, Internet tarmog‘ining milliy segmentini rivojlantirish, yoshlar uchun milliy saytlar va ijtimoiy tarmoqlar yaratishdan iborat.

Loyiha yoshlar orasidagi ma’naviy ishlarga zamonaviy AKTlarni joriy qilish, ko‘p profilli yosh mutaxassislarni tayyorlash, har bir OTMda talabalar hayotini yorituvchi saytlar yaratish, iste’dodli va tashabbuskor talabalarni qo‘llab-quvvatlash va rag‘batlantirish va boshqalarda yordam berishi ko‘zda tutilgan.