Германия расмий Афинага вақтинча евроҳудуддан чиқишни таклиф қилди. Бу ҳақда, Германия Молия вазирлиги ҳужжатларига асосланиб, Frankfurter Allgemeine Zietung дея хабар бермоқда.
Биринчи йўл — Грециянинг 50 миллиард евро миқдоридаги мулкини мақсадли жамғармага топшириш. Жамғарма мулкни сотади ва тушган пулни Афинанинг қарзларини қоплаш учун йўналтиради.
Иккинчи йўл — Грециянинг евроҳудудга аъзолигини беш йилга тўхтатиш. Айни вақтда, Германия молия вазири Волфганг Шойбле Афинанинг евроҳудуддан чиқарилиши эҳтимоли ҳақидаги хабарларга изоҳ беришдан бош тортди.
Аввалроқ Шойбле инқироздан чиқиш бўйича Грециянинг таклифларини кескин танқид қилганди. Унинг сўзларига кўра, греклар иқтисодий ислоҳотлар ўтказиш ниятида эканликларини айтишдан кўра каттароқ иш қилишлари керак.
Изоҳ (0)