Olma-Ota sayyohlar uchun eng yaxshi shaharlar ro‘yxatidan o‘rin oldi

Amerikaning Insider Monkey portali sayyohlar uchun Qozog‘istondagi eng qiziqarli joylar ro‘yxatini tuzdi. Bu haqda “Nur.kz” xabar bermoqda.

Insider Monkey reytingida safar uchun Qozog‘istonni tanlagan sayyohatchilar borishi shart bo‘lgan 7 ta manzil ko‘rsatilgan.

“Bu mamlakatda yil bo‘yi dam olish mumkin. Ekoturizm – hordiqning faol turi uchun ajoyib variantdir. Mamlakatda bir qator xalqaro tan olingan kurortlar bor”, - deyiladi Insider Monkey xabarida.

Ro‘yxatda birinchi o‘rinni, an’anaviy ravishda, Olma-Ota egallagan. Qozog‘istonning eng yirik shahri nafaqat go‘zal tabiati, rivojlangan infratuzilmasi va ochiqko‘ngil aholisi bilan, balki hamyonbop narxlari bilan mehmonlarni o‘ziga rom etmoqda.