Американинг Insider Monkey портали сайёҳлар учун Қозоғистондаги энг қизиқарли жойлар рўйхатини тузди. Бу ҳақда «Nur.kz» хабар бермоқда.
Insider Monkey рейтингида сафар учун Қозоғистонни танлаган сайёҳатчилар бориши шарт бўлган 7 та манзил кўрсатилган.
«Бу мамлакатда йил бўйи дам олиш мумкин. Экотуризм – ҳордиқнинг фаол тури учун ажойиб вариантдир. Мамлакатда бир қатор халқаро тан олинган курортлар бор», - дейилади Insider Monkey хабарида.
Рўйхатда биринчи ўринни, анъанавий равишда, Олма-Ота эгаллаган. Қозоғистоннинг энг йирик шаҳри нафақат гўзал табиати, ривожланган инфратузилмаси ва очиқкўнгил аҳолиси билан, балки ҳамёнбоп нархлари билан меҳмонларни ўзига ром этмоқда.