Tayvanda “tarvuzli non” ishlab chiqarilishi yo‘lga qo‘yildi

Tayvandagi novvoyxonalarning birida Yaponiyada mashhur bo‘lib ketgan kvadrat tarvuzlarga juda ham o‘xshaydigan non tayyorlash yo‘lga qo‘yildi. Bu haqda “Idea.uz” xabar bermoqda.

Tashkilotchilarning so‘zlariga ko‘ra, ular bunday nonlarni bolalar to‘q yurishlari uchun tayyorlagan. Issiq yoz kunlarida ishtahasi yo‘qolgan bolalar tarvuz bo‘lagidek ko‘rinadigan bu nonni qiziqish uchun ham tishlab ko‘radi.

Mahsulotni tayyorlashda faqat tabiiy rang beruvchilardan foydalanilmoqda – nonning ustki qavati ko‘k choy damlamasidan, ichki qizil qismi esa qulupnay sharbatidan, “tarvuz urug‘chalari” esa mayizlardan tayyorlanmoqda.

Xabar berishlaricha, bu non mahsuloti mahalliy bolalar orasida ancha ommalashib ketgan.