Zarafshon shahrida yashovchi er-xotin uzoq yillar birga yashagan bo‘lsa-da, kelisholmay qoldi. Natijada, xotini bolalarini olib, xonadondan chiqib ketdi, deb yozadi “Uz24.uz” nashri “Huquq” gazetasiga tayanib.
Er xotinini ortga qaytarish o‘rniga, bir oydan so‘ng boshqa bir ayolni topdi.
Gazetada yozilishicha, oshiq-ma’shuqlarning odatdagi uchrashuvlarining birida janjal chiqdi. Shu kuni spirtli ichimlik iste’mol qilib, sarxush ahvolda bo‘lgan ayol “eri”ning onasi va farzandlarini kurakda turmaydigan so‘zlar bilan haqorat qila ketdi. Bundan g‘azablangan “er” yog‘och dastali bolg‘ani oldi-da, mehmonxonada o‘tirgan jazmanining ortidan borib, zarba berdi. Ayol bolg‘a bilan takror va takror berilgan zarbalar natijasida hayotdan ko‘z yumdi.
Oilasi bilan yarashib, o‘zaro munosabatlarni qayta tiklash o‘rniga o‘ziga jazman topib olgan va keyinchalik uning hayotiga zomin bo‘lgan erkakka jinoyat ishlari bo‘yicha Zarafshon shahar sudi tegishli jazo tayinladi.
Izoh (0)